Сәлем саған, мектебім!

Кеңбидайық орта мектебінде 2 қыркүйек – «Білім күні» өткізілген «Сәлем саған, мектебім!» атты салтанатты жиынның өткізілуі туралы мәлімет

    2 қыркүйекте  Кеңбидайық орта мектебінде ЭКСПО-2017халықаралық көрмесі аясында «Сәлем саған, мектебім!» атты  мектепішілік салтанатты жиын өтті. Жиын Қазақстан Республикасының Мемлекеттік әнұранымен басталып, Қорғалжын ауданынан келген қадірлі қонақтарымен таныстырылды.

    Балғын балалықпен қоштасып, мектеп табалдырығын алғаш аттаған бүлдіршіндер тақпақтарын айтып, «Балдырған» әнін орындады. 1 сынып оқушыларының қатысуымен «Мектепке біз де барамыз» көрінісі көрсетіліп, 1сыныпқа сыйлықтар табысталды. «Тілектің көптігі болмас» дегендей, сөз кезегі қонақтарға да беріліп, ізгі тілектерін жолдады және ауыл имамының батасы алынды.

    Мектеп директоры – Қалдыбаев Егінбай Отабайұлы жетістікке жеткен ұстаздар мен оқушыларға  мадақтама  табыстады. «Ән – көңілдің ажары» демекші, салтанатты жиында мерекеге байланысты  Тұрсынбай Айдананың орндауында «Аяулы мектебім» әні орындалды. Сонымен қатар, оқу ісінің меңгерушісі – Балабекова Гүлжамал Шәкәрқызы 2017-2018 оқу жылындағы өзгерістер туралы бұйрықпен таныстырып өтті. Жиын соңында «Мәңгілік

ел» актісі шеңберінде сыныптарда дайындалған «Мен өз Отанымның патриотымын» тақырыбында ашық тәрбие сағаты өтті.