"Ана-өмір шуағы"

«Әйел– бір әлем» демекші,8 наурыз – Халықаралақ әйелдер мерекесіне орай, аналармен байланыс таба отырып, мереке қарсаңында көтеріңкі көңіл сыйлау, өнерді насихаттау арқылы аналарды үлгі тұту мақсатында, 5-10 сынып аналарының қатысуымен «Супер мама» сайысы өтті. Сайыста аналар «Сәлем –сөздің анасы»,

«Актерлік шеберлік», «Ән –көңілдің ажары», «Кім епті?», «Сән -Салтанат» атты бөлімдерде бір-бірімен сынға түсіп,өнерлерін ортаға салды.Сайыс нәтижесі бойынша аналарға дәрежелі мадақтама беріліп, әр сынып  қатысушы аналарға  демеушілік көрсетіп, сыйлық сыйлады.

Сонымен қатар, «Балбұлақ» шағын балабақша орталығында аналарға арналған «Ана-өмір шуағы» атты сайыс өткізілді. Сайыстың мақсаты: үйдегі тіршілікті жарыс түрінде өткізіп, әйеліне көмек көрсете білетін ер азаматты табу.Балабақша тәрбиешілерінің ұйымдастыруымен өткен сайыс көрерменнің көңілінен шықты десе болады.

«Қыз өссе, елдің көркі» деп, қазақ халқы қызды ерекше қадір тұтқан. Қыздарды әсемдікке, әдемілікке, өнерге

баулу мақсатында, мектеп психологі мен әлеуметтік педагогтің жауапгершілігімен 5-10 сынып қыздарының арасында «Көктем аруы» байқауы өткізілді.Байқау нәтижесі бойынша Даменова Фарида бас жүлдеге ие болып, «Көктем аруы» атағын иеленді.

Барлық қатысушы қыздарға психолог пен әлеуметтік педагог демеушілік көрсетіп, сыйлықтар үлестіріп берді. «Ана-жан тәңірісі», «Анаңды үш рет меккеге арқалап апарсаң да, қарызыңды өтей алмайсың» деген сөздер бекер айтылмаса керек. Анаға деген бала махаббатын ояту, аналардың еңбегін бағалай, құрметтей білуге тәрбиелеу мақсатында, мектепішілік аналарға арналған «Аяулы аналарға тағзым» атты мерекелік концерт өткізіліп, шығармашылық көрме ұйымдастырылды. Көрмеге әр сынып қолөнер бұйымдарын, ашық хаттар мен қабырға газеттерін тапсырды.